政壇：街坊撐龐愛蘭攻新界東
湯家驊早前宣布十月辭去立法會新界東議員一職，議席補選，引起唔少黨派覬覦，而三年前於立會選舉時大熱倒灶嘅沙田區議員龐愛蘭都話積極考慮參加補選。佢話經過立會政改方案投票「甩轆」事件後，好多街坊都話立會好多「垃圾」議員，所以鼓勵佢去參加補選。
龐愛蘭
不過，新民黨早已表態唔會派人參選，而舊年公民力量同該黨結盟時，雖然身為公民力量成員嘅龐愛蘭冇選擇入黨，但亦冇離開公民力量，若佢執意參選，到時公民力量好大機會唔方便出面撐佢，唔通佢要退出公民力量，或者轉用新論壇身份參選？佢就話當務之急都係做好嚟緊十一月嘅區議會選舉工作先。佢話公民力量早前開會時，曾問佢會否參選，但佢暫未有明確回覆。
