政壇：何潔泓攬岑敖暉宣示主權
學聯前副秘書長Willis何潔泓同Lester岑敖暉嘅戀情曝光多時，前者於三月時喺Instagram上載兩人神秘合照，結果因放「閃光彈」而惹嚟Lester嘅女「粉絲」不滿，更喺網上引發罵戰。沉寂一段時間後，Willis尋日再次喺社交網站放「閃光彈」，相中嘅Lester「孭起」Willis，Willis就攬到實一實，並合上雙眼甜笑。今次Willis高調宣示主權，令兩人戀情浮上水面，但未知會否因而再次掀起罵戰。
Lester「孭起」Willis，Willis就攬到實一實，並合上雙眼甜笑。
從相中可見兩人身穿厚衣，推測佢哋可能身處外地旅行，或係早前拍下嘅照片。Willis同時附上一篇名為「把鬱結道出的勇氣」嘅短文，講述自己走出陰霾，感激Lester一直陪伴在旁。Willis喺文中話，面對嚟自政治取態或個人生活嘅網絡攻擊，令佢感到痛苦；又指「切身地面對茶餐廳兇猛的目光，未吃完就要奪門離去、發燒在診所看醫生，被追出幾個街口罵倒不如看獸醫的情景」，幸好Lester一直陪伴在旁。
