城中鏡：雷軍晒印尼總統簽名「米」
印尼總統都係米粉？小米創辦人雷軍最近喺微博晒兩張相出嚟，一張係部有印尼總統簽名嘅小米4i，另一張係印尼總統先生對住成枱手機同板腦，係咁簽簽簽。咦，枱上有啲機唔多似係小米機喎……？
總統先生（右二）對住成枱手機同板腦，猛咁簽。（互聯網圖片）
有印尼總統簽名嘅小米4i。（互聯網圖片）
雷軍
話時話，雷軍喺年初宣布要賣八千萬至一億部手機，但喺月初小米公布上半年智能手機銷售未達全年銷售目標下限嘅一半，仲急急拓展巴西市場追數，成為小米喺拉丁美洲首個據點，但外界並唔係咁樂觀，依家雷軍喺微博晒呢兩張相出嚟，係咪促銷手法？咁要問佢先知嘞！
