政壇：電動車Tesla唔敢入紅場

俄羅斯嘅科技才俊，依家寧願唔要寶馬X6都要換部Tesla S，俄羅斯買唔到咩？就出雙倍錢喺美國買完運返去。當地連Tesla嘅Fan Club都有，仲寫過幾次信畀Tesla，幾乎「跪求」Tesla駕臨俄羅斯。啲忠實粉絲話Tesla喺俄羅斯一定掂，叫Tesla唔好淨顧住中國市場。

結果，Tesla都係嗰句：俄羅斯市場「唔搞住」。有錢唔想賺？係唔敢賺。舊年俄羅斯出兵烏克蘭，美俄關係跌到谷底；仲有，馬斯克另一檔搞太空航行嘅SpaceX，早兩個月先啱啱攞到美國空軍批准可以作軍事發射任務。咁敏感時刻，小心啲好。