城中鏡：多啦A夢萬能道具現淘寶
阿里旗下淘寶網宣布，正式任命多啦A夢做代言人，話睇中佢萬能嘅形象。淘寶網副總裁張勤話雙方聯手可以開啟萬能嘅二次方時代。佢哋仲開咗間「來自22世紀萬能店舖」。
張勤（右）同多啦A夢出嚟，話雙方聯手可開啟萬能嘅二次方時代。
喺星期三開始，淘寶精可用手機淘寶買道具Coupon。包括有「試妝魔鏡」，淘寶精可用手機當做鏡，Click一Click美妝產品就可以試上面嘅效果。同「試妝魔鏡」一樣用咗AR（Augmented Reality）技術嘅，仲有「放大燈」，只要用手機淘寶放大燈鏡頭對準網頁商品，就有優惠。
另外，「砍價刀」就係淘寶精要舉起部手機對商品做出劈嘅動作，就真係可以劈價，用更平價錢淘寶。最後係「分享之手」，用自己手機Mon同Friend手機Mon拍一拍，就可以Share鐘意嘅商品，唔使再搵Link。
