城中鏡：楊大偉踩車榨果汁消暑

喺炎炎夏日之下，有乜解暑妙法？一向主張健康生活嘅社企Green Monday創辦人David楊大偉就諗到個既消暑又環保嘅方法，喺灣仔皇后大道東一個商場外陰涼處，擺放兩部全港首見嘅單車攪拌機，尋日中午同Green Monday執行總監陳貝兒、康宏集團行政總裁馮雪心一齊出力踩，藉此驅動與單車接駁好嘅攪拌機，只須約三分鐘即可榨一杯綠色健康低碳飲料。路過市民亦可參與，大家做完運動即刻飲番杯果汁消消暑，不亦樂乎。