政壇:補選在即郭永健被翻舊帳
大埔區議會新富選區喺嚟緊嘅周日(十九日)舉行補選,近日有大埔居民喺討論區貼圖,指收到關於候選人之一、工黨郭永健嘅「疑似」選舉單張(圖),單張上寫嘅唔係郭永健嘅政績,而係翻郭永健舊帳,指控郭過去曾參與佔中、收取政治捐款被調查等。
郭永健就話已就捐款事件解釋清晰,亦對曾參與佔中一事直認不諱,雖然被抹黑但仍會繼續做好選舉工作。工黨發表聲明指已向廉政公署同選舉事務處舉報,並將涉案函件交予廉署,要求廉署嚴肅調查今次違法行為,並盡快將違法者繩之以法。
大埔區議會新富選區前議員、經民聯羅舜泉早前涉偽造收款單據被判監五個月,即喪失議席,令該區需補選。除郭永健,另外兩名候選人為報稱獨立嘅羅曉楓同何萬傑。