【本報訊】成也「打機」,敗也「打機」?二十四歲的劉耀威Angus自小厭讀書喜走堂,更是典型通宵打機狂迷,六年前會考六科竟失考一半,連A至Z也不懂順序排列,是旁人眼中的頹廢青年。

畢業搵工發現打工仔生涯與期望充滿落差,Angus決意重返校園,由毅進開始讀起。不再通宵打機反變挑燈夜讀、將勤補拙,順利升讀會計學高級文憑及學士學位。明年大學畢業,Angus正拚命「搏殺」,期望二十六歲前「升呢」考獲會計師資格。

打工後方知箇中苦

Angus以往讀書往往「三扒兩撥」、得過且過,難以相信他入讀毅進後,科科非B+或A-成績,現在於公開大學修讀會計學工商管理榮譽學士課程,GPA成績更次次「過三」。

Angus坦言兒時常渴望「出身」以告別讀書生涯,但打工過後方體會箇中苦:「做廚房以為手板眼見工夫,原來一啲都唔易,做裝修又實在好辛苦」,遂暗下決心重拾書本,日花八小時「惡補」英文,邊讀邊做會計師樓兼職吸收工作經驗,一路走來絕不容易,但他笑言「依家先係一個開始!」

第一手消息請下載on.cc東網iPhone/iPad/Android/Windows Phone Apps