SUN搞作:SUN官場現形記:飲不安心
天氣炎熱,市民將一箱箱貨物推回屋邨,汗流滿面,狀甚辛苦,房屋署署長康康經過見到,於是上前幫手,點知市民發火鬧康康。
康康:見你咁辛苦,等我幫吓你啦,係呢,買乜買咁多呀?好平咩?
市民:仲好講,一日最衰就係你!
康康:吓?超市特價,關我咩事?
市民:我條邨呀,食水含鉛呀,唔入番啲水做存貨點得呀!
康康:哦哦……我哋有派水o架,仲有街喉畀你哋攞水添。
市民:嗰少少水有咩用呀?買定啲水我先安心。如果你哋監管好啲,我就唔使飲「毒水」啦!
康康:唔好咁啦,我哋補救緊啦,遲啲更換水喉咪冇事囉!
市民:遲就遲,不過係你太遲鈍,依家先識驚!
康康:^@#%^^^#$**!!!