廣深港高鐵超支風波愈搞愈大,泛民主派日日狂轟濫炸,連向來反對任何形式發展嘅公民黨員、公共專業聯盟政策召集人黎廣德,都建議將高鐵西九龍總站原址興建地下商城,遭到外界批評。雖然佢呢樣反對、嗰樣反對,但最終都係自打嘴巴。

設計圖片及對白

屢次反對政府地改商用

我哋翻查黎廣德過去嘅言論,發現佢對政府用地改建成商場同寫字樓有好大意見,例如當年政府想將中環舊政府總部西座翻新成甲級寫字樓,佢話無謂「益咗」地產商。○六年,政府曾經建議擴建港鐵銅鑼灣站及地下行人通道,興建地下商業街,黎廣德又話銅鑼灣地底非常複雜,技術困難,滋擾居民,又係反對。現屆政府建議在大嶼山對開填海興建人工島,諗住島上可以設立大型購物商場、酒店等設施時,黎廣德亦係第一時間反對。

到最近落馬洲興建邊境購物城之議,黎廣德仍然係反對,但依家為咗反高鐵,佢就今日的我打倒昨日的我,以地下商城來作引誘,乜嘢係自相矛盾、唔做官都兩個口,見識吓喇。

第一手消息請下載on.cc東網iPhone/iPad/Android/Windows Phone Apps