智能手機當道，時下年輕人個個機不離手，但一樣係篤手機，有人就篤出大好「錢途」，例如近期就有幾間以手機應用程式（App）提供叫車服務嘅科技公司冒起。身兼潮州商會副會長嘅信望慈善基金創辦人胡劍江（Michael）最近打算入股一間以App叫貨車服務嘅公司，呢間公司創辦人係一位二十幾歲嘅後生仔，佢靠靈活變通及商業觸覺，喺短時間內闖出新商機，仲進軍台灣及東南亞市場添。

家族做珠寶生意嘅Michael一向留意投資機會，早幾年睇好美國房地產市場，即與朋友合股大手買入，增值潛力唔錯。隨着手機科技興起，不時有年輕人以一隻App致富，Michael除咗緊貼趨勢捕捉投資良機，亦不忘做公益。Michael話，此創業故事釋放極正面嘅訊息，遲啲佢想搵呢位手機App創辦人同年輕人分享經驗，話畀港青聽，對前路要有信心。

第一手消息請下載on.cc東網iPhone/iPad/Android/Windows Phone Apps