依家唔少外傭中介公司良莠不齊，濫收佣金同無牌經營，勞工處舊年接獲一百七十宗針對提供外傭中介服務介紹所嘅投訴，但竟只得四宗最終被定罪。有立法會議員批評，投訴同定罪數目完全唔成比例，質疑勞工處處理投訴無做好資料搜集，令投訴最終唔成立；另有議員形容定罪個案太少，起唔到阻嚇作用，令違法者逃離法網，促請勞工處加強檢控，有工會亦質疑勞工處調查工作嘅成效。中介公司剝削外傭，明顯係勞工處處長唐智強執法不力，唔踢唔郁，真係唔摑醒佢點得呀！
