天文台之前成日被人鬧爆，公布颱風訊息時嘅字眼太含糊或不準確，但今次「蓮花」襲港，天文台終一改以往陋習，以較準確嘅用字宣布颱風消息，不少市民指天文台前晚已預告昨早會發出三號強風訊號；而昨早亦已「預知」最快昨下午將改發八號烈風或暴風訊號，令市民可以作好準備。天文台台長岑智明今次總算吸取到教訓，但好嘅開始未必好到尾，個風嚟得快走得快，好彩落波嘅時候，大部分市民已經放咗工，如果有乜閃失，肯定畀市民炳到上天呀！
