政壇：垂直跑壓軸ICC年尾上演

上年，Adam喺比賽一開始，就一支箭衝衝衝，輕輕鬆鬆二十二分鐘就跑完全程。Adam今年有冇打算破佢自己嘅紀錄呢？

今年賽事會喺十二月六號舉行，係新地第四年舉辦，同舊年一樣香港都係壓軸一站，垂直跑晒紐約、倫敦、台北、巴黎、北京、聖保羅同上海。比賽都係由起點八樓跑上ICC天際100香港觀景台，總共二千一百二十級樓梯。

Adam會唔會跑多次就未知，不過佢阿叔新地聯席董事總經理郭炳聯就跑咗，郭炳聯尋日主持完「垂直跑」嘅倒數儀式後，唔答記者問題就急急腳「跑」咗。佢會唔會係趁打風冇乜好搞，換件衫去Gym Room操吓呢？仲有一百四十八日，依家操都嚟得切。