【本報訊】警長孭老翁行三十三層樓逃生成英雄。行動不便的老翁火警期間被困家中，洋名Gary的新界北總區衝鋒隊姓楊警長，二話不說孭他行三十三層樓梯走火警，街坊大讚警長有氣有力又有愛心，老翁家人亦感激不已。Gary謙稱：「呢樣係我最開心嘅，因為幫到人……每個人都有父母，會感同身受，如果係自己父母，行三千三百三十三層樓都冇問題！」

男居民吸入濃煙不適送院。

孭老翁落樓的英勇警長。

加入警隊十六年的Gary憶述：「我去到個火警現場時，消防仲嚟緊，即刻上樓拍門叫人疏散，拍到三十三樓見到個伯伯想走，震晒隻腳企喺度，好無助，同埋見到佢用成人紙尿褲。」伯伯一見他便問：「我點走呀？點算呀？」Gary忙加安撫，然後孭起他落樓，並說：「佢太驚啦，當時攬到好實，標晒冷汗，落到樓我背脊都有小小濕。」他坦言：「真係非常之攰」，但他認為是「職責所在」，並感謝市民對他的支持，希望可以「畀多啲正面形象畀大家。」

第一手消息請下載on.cc東網iPhone/iPad/Android/Windows Phone Apps