怪獸家長塗改派位證變Band1
【本報訊】中一註冊日昨今兩日進行，報稱是Band1（第一組別）中學的老師戴Sir，昨在社交網頁facebook貼文，指一名兒子被派到Band3（第三組別）弱勢中學的「怪獸家長」，疑為協助兒子「升呢」入讀Band1名校，不惜擅自以塗改液修改派位證上的獲派中學校名「自欺欺人」，企圖「博懵」將兒子擠進名校，結果經一番擾攘後，校方始能將該家長打發離去。律師黃國桐指，行使假文書屬嚴重刑事罪行，最高可判監十四年，他認為事件涉及公眾利益，促請警方主動介入調查。
下學年升中學生須持派位證及入學註冊證等，於中一註冊日到獲派中學辦理註冊手續。但「90後教師決戰怪獸家長」群組版主戴Sir昨上載一篇貼文，以一問一答形式引述他昨與一名「怪獸家長」的對談內容，引起網民熱議。
貼文指，該家長先投訴學校教務處職員拒為其子註冊，戴查看其子的派位證及入學註冊證後向她解釋：「我哋呢度係XXX書院，唔係XXX中學，係兩間學校嚟。」但她拒絕離開並說：「唔係喎，嗰間Band3嚟嫁喎，我個仔點會報Band3吖？我哋小學老師都係話幫我哋報Band1嗰間。」戴遂要求對方出示校內成績表，發現只有體育科和常識科的等級相等於七十分以上，估計屬Band3成績，經解釋後請她離開。
原校「派隊team」接走
不過，該家長踏出校門十分鐘後即折返，還帶着一張學校名經塗改液修改過的文件。戴Sir見狀即再告知她，「根據文件，學生派嗰個學校地址唔係呢度喎！」但她竟反問「咁即係要改埋？」據知，該家長是一名操內地口音廣東話的女士。
結果戴Sir致電該Band3弱勢中學，「喂你學生嚟叩門，快啲接走佢啦，唔係你收唔夠人吖」，對方即說「得，我派隊team嚟」，便即派數名老師將該家長帶走。不少網民形容事件誇張，「為咗升Band1，怪獸家長可以去到幾盡？連偽造文書都出埋」。戴Sir回覆本報查詢時指，上述事件屬實，他已將事件大事化小。
