城中鏡：趙式浩入黨做維園阿哥
自由黨青年團昨以「神一般隊友」加入，宣布最近招收咗趙世曾二子、卓能集團非執董趙式浩（Howard）入黨，但呢句說話擺明係抽水，暗諷建制派喺政改表決時甩轆。當事人Howard話，佢對土地規劃、房屋政策有興趣，表明唔介意追隨青年團主席李梓敬做「維園阿哥」發聲，但暫時無意參政。不過，Howard家姐趙式芝早年先「出櫃」，細佬卻加入反對同性婚姻嘅自由黨，似乎同家姐對着幹喎。
趙式浩（左）獲吳丹（右）力邀加入自由黨青年團。
除咗Howard，另一大有來頭嘅黨友仲有近期全城熱捧嘅蛋糕店Lady M老闆吳丹（Tammy）。Tammy早喺一二年就入黨，一直負責為黨度橋設計宣傳產品。
