港股大時代，港交所嘅股價就係一例，該股一度飆到去311.4元，以超過3,500億元市值榮登全球最值錢交易所嘅寶座。不過，過去連日下瀉，尋日股價一度插穿200元，即使按收市價回升少少嘅203.4元計，港交所市值亦得番2,345億，冠軍寶座失落了。港交所主席周松崗尋日現身新股上市儀式時，心情未受影響，仲提大家市況波動，投資時要諗清楚先好決定。

周松崗被小股東視為股價上升嘅保證，尋日現身時佢一臉淡定。

話時話，周主席平時較少出席新股上市，尋日市況咁波動，佢係咪為咗氹小股民呢？咁講，唔係因為周生嘅溫馨提示，而係佢出名係小股東心目中嘅「招財貓」，有小股東曾經話過，只要見到周生坐鎮股東會，港交所嘅股價就必定會上升，仲要係急升嗰隻。

所以尋日咁嘅市道，大小股民都人心虛怯，「招財貓」先生多啲現身，都係一個安慰呀！

第一手消息請下載on.cc東網iPhone/iPad/Android/Windows Phone Apps