【本報訊】獨生女將與男友「拉埋天窗」，覃家松未及嫁女便被無情車禍奪命。身材健碩的覃，為家中經濟支柱，與身為家庭主婦的妻子育有一女，他八八年買入沙田富安花園一單位與家人同住。二十多年前，覃僅做地盤散工，及後轉做田螺車替更，至十年前才加入金門做長工，月薪二萬多元。

覃與妻子結婚多年，四年前女兒將兩人在聖誕聯歡晚會上拖手唱歌的合照分享至facebook，並留言稱：「拖手仔，唱歌仔，So sweet！」覃女曾分享父親手持長刀照片，笑言：「懶大隻！其實佢係準備切西瓜！」據知，其妻女一朝喪親，現感徬徨無助，希望盡快處理身後事，讓死者得以安息。

有工友得悉其死訊後，在網上留言悼念，並指他：「琴晚開完通宵！」另有人稱：「死咗嘅師兄琴日先同我仲有講有笑！由朝做到通頂，搵食啫！點解要咁？佢都五十幾歲！就嚟享福……」亦有網民慨嘆：「節哀……人生無常，活在當下，開開心心過日啦。」

第一手消息請下載on.cc東網iPhone/iPad/Android/Windows Phone Apps