順寧道：捉垃圾蟲食署欺善怕惡
「市政大廈出面成日堆滿晒垃圾，紙皮箱、發泡膠箱乜都有，長期都霸晒成條路，投訴過幾次都冇改善！」江先生指保安道市政大廈近順寧道常有大量垃圾堆積，不滿食環署久未根治問題。
保安道市政大廈近順寧道常有大量垃圾堆積，環境衞生惡劣。
食環署發言人證實，過去一年共接獲十八宗相關投訴，並發出十八個警告，接獲轉介後派員巡查時，發現有發泡膠箱及廢紙等物品，一名長者正在整理和搬運有關物品，署方遂向該名長者發出警告，亦隨即安排承辦商清掃該處。不過，江先生卻不滿未有針對性執法，「嗰啲垃圾其實多數係啲舖頭同街市檔位擺出嚟，食環署冇理由咁都分唔到，反而唔去警告啲掉垃圾出嚟嘅人，咁即係欺善怕惡啫！」
