「次次落完雨，啲水就積到好似成個小型泳池咁，去極（水）都去唔到，要等成個禮拜先乾，儲埋啲水都唔知係咪要嚟養蚊！」居於大埔的陸女士發現，太和廣場天台近麗和樓位置，有一個面積如普通房間的凹槽，每逢下雨天均儲起大量雨水，擔心積水會引發蚊患。

有市民發現太和廣場天台有凹槽每逢天雨後皆變成「小型泳池」。

領匯管理有限公司發言人指，有定期派員清理去水位，在雨天時亦會加強巡查及清理，確保排水正常。

陸女士獲悉有關回應，坦言近日情況已有改善，惟天雨過後仍有少量積水，希望領匯能多加巡查，「呢排夏天成日落雨，等到真係有蚊患先嚟補救嘅話就會更加難搞。」

第一手消息請下載on.cc東網iPhone/iPad/Android/Windows Phone Apps