化妝品店舖雖然通街都有，但本身係型人一族嘅名模伍靜麗卻鍾意自製香水，佢話，知道晒成分，又自己落手落腳炮製，用起上來特別稱心如意。

伍靜麗近來迷上做香水，仲話有機會想發展成一盤生意。

伍靜麗尋日為時裝品牌擔任示範，佢話，近排有新搞作，就係迷上了自製香水，做做吓就積累多啲經驗，有機會嘅話，仲打算發展成一盤生意添。咁佢嘅自製香水用乜嘢料呢？佢話：「我會買香薰油自製香水，如果加埋醋同酒精，呢款香水仲有殺菌消毒嘅功效添。」

除咗香水外，城中好多人仲鍾意自製番梘、唇膏等一類愛美用品，雖然有啲煩，但生活得更有心思，也更加健康。

第一手消息請下載on.cc東網iPhone/iPad/Android/Windows Phone Apps