咪以為壓力會令人變瘦，好似立法會議員Alice麥美娟就啱啱相反，佢自爆兩年多前當選立法會議員後，體重一直有升有跌，試過有段時間晚晚做到十點幾，一放工就買車仔麵加香蕉船做消夜慰勞自己，體重試過暴升至最多一百四十幾磅。Alice透露決定的起心肝減磅，最近幾個月奉行晚上六點後唔再食嘢，仲戒埋至愛嘅消夜，淨係用呢兩招，都最少成功減咗五磅。

唔通因為趙哲妤呢個疑似對手，麥美娟就的起心肝減肥？

麥美娟

當問到會唔會做運動減磅？Alice話當年喺中大讀書時日日游水，當時體重只得一百一十磅，不過依家做議員時間比較忙，就冇再用呢個方法嘞！話時話，性感模特兒兼前中國小姐冠軍趙哲妤前排宣布考慮參選青衣偉盈選區，撞啱當區區議員係Alice，佢的起心肝要努力減磅，莫非係想喺外形同地區支持上，可以技術性擊敗疑似對手？

第一手消息請下載on.cc東網iPhone/iPad/Android/Windows Phone Apps