由香港鐘表業總會前主席梁青華投資嘅天寶鐘表，早前喺尖沙咀彌敦道舉行開幕禮，為香港嘅零售業投下信心一票。開幕當日，鐘錶界翹楚及城中名流踴躍到賀，主人家趁機捐大支票做善事，倍添歡喜。積善獻愛心嘅仲有國際小母牛香港分會，雖然經濟市道淡靜，籌款難度大增，但一眾名人善長喺慈善晚宴上爭相獻唱，瞓身揼老友心口，話咁快有七百萬元善款進帳。

錶店開幕
親迎
德國名錶品牌創辦人Markus Lehmann（中）睇好香港市場，搵天寶鐘表做獨家代理，天寶主席梁青華大仔兼公司業務拓展董事梁仲元（左）及母親楊少萍齊開心招呼。

幫手
香港鐘表業總會副主席黃麗嫦（右）搵家族做錶行嘅年輕人李加和幫手，開拓瑞士名錶嘅內地網絡銷售市場。

相聚
中南鐘錶第二代莊學海（右）及香港珠寶玉石廠商會會長冼雅恩喺開幕禮上喜相逢。

祝賀
天寶鐘表主席梁青華（中）自立門戶開錶行，太子珠寶鐘錶主席鄧鉅明（右）同大仔鄧亦軒聯袂到賀。

添喜
博愛醫院副主席吳錦青嘅女兒吳嘉瑩（右）懷上第二胎，丈夫姚新景開心晒，認真恭喜。

慈善晚宴
樂善好施
南旋集團主席王庭聰（右）細女王麗盈（中）將出嫁，王庭聰拍心口捐出一百萬元賀禮畀小母牛，左為王庭聰兒子王槐裕。

生活自在
前高官馬時亨（左起）及葉澍堃退休後生活自在，唔知身處官場熱廚房嘅政制及內地事務局局長譚志源會唔會好羨慕呢？

瞓身支持
小母牛籌款委員會主席杜振源（右一）多年嚟為小母牛瞓身籌款，兒子杜擴業（左二）帶埋太太（左一）及囡囡齊去打氣。

第一手消息請下載on.cc東網iPhone/iPad/Android/Windows Phone Apps