大老山隧道明年元旦起加價，平均加幅為百分之十一點九，其中私家車及的士的隧道費加幅最高，由現時每程十七元加至二十元，市民知道梗係唔開心，於是搵運房局局長炳炳投訴。

市民：衣食住行乜都加，淨係人工冇得加，局長，點搞呀！大隧又加價嘞！

炳炳：加少少啫，都唔係好多吖！

市民：私家車加到廿蚊呀，仲話少！

炳炳：嫌貴咪搭港鐵、巴士囉，一樣好多選擇！

市民：港鐵咪又係加價！個個都住搶，荷包渣都冇呀！

炳炳：唔好咁勞氣，我教你，睇少啲戲、去少啲旅行，咁咪有錢剩囉！

市民：你唔加價，我就大把錢剩呀！

炳炳：唉，咁我鼓勵你搵多啲錢，咪冇煩惱囉！

市民：$^#%@@@####$*!!

第一手消息請下載on.cc東網iPhone/iPad/Android/Windows Phone Apps