城中鏡：孫玥排球絕技有傳人

中國女排曾喺國際女子排球壇上寫下光輝一頁，前女排名將孫玥嫁咗嚟香港，日前仲帶埋兩個囡囡陪丈夫出席一個活動，唔講唔知，孫玥雖然生咗兩個小朋友，但仲不時會手癢，現時就喺傳統名校拔萃女書院擔任排球教練。

孫玥（右二）同何國文（左一）帶同兩名幼女出席活動。

孫玥嘅丈夫係高級懲教主任何國文，佢哋點樣認識嘅呢？何國文話，佢本身係永倫籃球隊，經朋友介紹下認識孫玥，雖然孫玥有好多粉絲，但佢最終抱得美人歸，喺○七年拉埋天窗，兩個人家吓育有兩名千金，孫玥話等囡囡大啲，都會教佢哋打排球。