近年按摩椅大行其道，相關公司都會搵明星或型男賣廣告，吸引多啲顧客，「OTO」品牌商騰邦都一樣，熟悉佢哋產品嘅人就知道，佢哋搵咗視帝「筍盤」陳豪幫手，舊年九月左右，雙方簽咗一年做OTO張「零距離按摩椅」代言人嘅合約，令品牌快啲入屋，轉吓眼，合約就快到期，佢哋已經傾緊續約，但騰邦都驚陳豪為搵奶粉錢而加價喎。
講到公司業務，佢哋嘅CEO、即騰邦物流董事兼CEO黃鏡愷就幹勁十足，佢講明，今年要加快發展步伐，目標要做大健康產業，甚至其他新業務，雖然暫未有具體收購目標，但佢顯得雄心壯志。又係嘅，如果由去年九月起計至今，騰邦股價足足升咗近三倍，難怪一眾管理層咁振奮喇。
第一手消息請下載on.cc東網
