已為三女之母嘅楊張新悅，不甘於做家庭主婦，獲老公教育局前政治助理楊哲安嘅支持，佢早年完成香港大學環境管理碩士，近年學以致用，為港大做環保管理相關項目報告，由策劃到實行全部自己一腳踢，佢話要兼顧家庭，每每要等囡囡入睡先可以開始工作，雖然經常捱夜搞到殘殘哋，但愈做愈開心。佢話：「幫大學做得到嘅好少，酬勞只係幾千，不過滿足感大，好開心，人生要有貢獻。」佢又話做全職媽咪唔易，自言只能做短期全職家庭主婦，佢話：「做全職媽咪，世界就只有四面牆，做一段時間就得，成世嘅話，我唔知自己會發生乜事，哈哈。」

楊張新悅話做全職媽咪唔易，只能做短期全職家庭主婦。

第一手消息請下載on.cc東網iPhone/iPad/Android/Windows Phone Apps