尋日喺一個公開活動見到前港姐冠軍鄭文雅，原來佢啱啱外遊返港。佢話：「去咗挪威與蘇格蘭中間一個叫Shetland Island影雀，因為啲雀飛晒過去結婚同生蛋。」由於當地太大風，令鄭文雅一度想取消行程，佢話：「大風到人都吹跌，都幾危險，又要行出懸崖影相，不過我同老公都以安全為上。」

鄭文雅話每次出外影相都係人生嘅一個經歷。

熱愛大自然嘅佢坦言每次出外影相都係人生嘅一個經歷，又話：「其實人好渺小，睇到啲雀掙扎求存都幾感動，影完大自然成個人好似經過洗禮咁。」

第一手消息請下載on.cc東網iPhone/iPad/Android/Windows Phone Apps