香港人嘅集體回憶之一、闊別多年嘅荔園近日喺中環重生，唔少城中名人冒着炎夏高溫去玩，盡興而回，無非都係想重拾當年嗰種歡樂嘅感覺。
陳振邦（左）同太太郭詩慧去荔園玩，邱達根（中）親自招呼。
莎莎國際太子女Melody郭詩慧同老公Davis陳振邦早前都有入場，荔園主席邱達根仲親自招呼。Davis話小時候常趁周末同爸爸媽媽去荔園玩，Melody兒時亦係荔園常客。當日兩人玩完掟波波，再去恐龍屋，着住西裝嘅Davis玩到汗流浹背，開心到唔捨得走。
