前日喺一個品牌活動見到湛琪清，佢透露早前同表姐汪圓圓、蔡加讚、汪詩詩等到西貢出海玩，仲話：「我幫詩詩湊對仔女，一星期冇見佢哋，玩到嘢都唔食。」佢亦有幫圓圓湊女，換片餵奶都話無難度，笑言自己做咗保母：「我唔覺得辛苦，好enjoy，好鍾意同小朋友玩。」而提到甄子丹拍戲受傷，佢就話：「佢父親節要拍戲冇嚟，我都有message 問候佢，佢成日都有好多危險動作，咁多年都咁勁！」至於有冇追求者？佢就話仍然係約會中，有好消息會通知大家。

湛琪清話做保母唔覺辛苦，因為佢好鍾意同小朋友玩。

同場嘅陳慧敏就話依家忙於宣傳新歌，九月亦有新電影上映。佢透露電影內嘅愛情故事都係佢初戀時嘅回憶，令佢拍戲時分外投入。問到依家嘅感情狀態？佢話：「我都想有男朋友，不過未遇到，以工作為先。」

第一手消息請下載on.cc東網iPhone/iPad/Android/Windows Phone Apps