城中鏡：孫中山曾孫投資有慧眼
科技風潮沒法擋，就連孫中山嘅曾孫都投資創投？外電消息話孫中山曾孫、硅谷著名風投基金Formation 8董事Joel Sng，將加盟LG家族旗下嘅創投基金LG Scion，將聯同Formation 8創始人之一嘅Brian Bonwoong Koo一齊管理該基金，焦點放喺東南亞、南韓等亞洲科技公司。據講，Formation 8周四已向美國證交會申報籌資四億美元（約31.2億港元）。
孫中山曾孫Joel Sng將加盟LG家族旗下創投基金LG Scion。（互聯網圖片）
Joel Sng本身係一個天使投資者，厲害嘅係佢喺小米、Airbnb、facebook、Uber創立初期時，已經有入股成為原始投資者。
而能夠咁早「慧眼識英雄」，原來Joel Sng讀小學嗰陣，已經好有生意頭腦，包括賣磁鐵、又同朋友夾份投資等。哈佛大學畢業嘅佢，已經做咗爸爸，而聽講佢嘅夢想係善用科技創造機會及解決方案，克服社會問題。
