【本報訊】阿恆開心離家，再見已是遺體，家人對他的死充滿疑問。其父和胞兄都認為，無論他是自殺還是另有別情，都應有一個理由或相關的證據。阿恆父親稱：「警方幫我查吓手機紀錄，睇吓案發前阿恆同咩人聯絡過，同埋學生八達通嘅紀錄，睇吓佢去過邊，仲有碼頭閉路電視片段，以及佢喺長洲租房情形。」如果警方有這些資料提供，可以給家人一個說明，好過「唔清唔楚」牽掛一世。

好友感激帶來足球熱誠

胞兄阿偉稱，因為家人有好多疑團，數日前主動向警方了解調查進展，獲回覆指初步無可疑，惟驗屍未能查明死因，須根據程序處理，抽取身體器官樣本化驗，在六至九個月後可取得報告，可能交由死因裁判庭決定。阿恆父擔心稱：「如果係謀殺，九個月後乜證據都冇晒啦！」他希望警方早些深入跟進，或會有新發現。

阿恆友人在fb留言致哀，「喺足球場上您係我嘅好隊友，一個好好嘅指導！好多謝您當初將您對足球嘅熱誠帶畀我哋呢級入面各個足球愛好者，令到我哋重拾番對足球嘅興趣！」亦有友人懷疑阿恆不開心尋死，「你去到嗰邊唔好再乜都收收埋埋唔同人講呀，一日兄弟，一世都係兄弟，我哋發覺唔到你唔開心……對唔住。」因本月二十二日是阿恆十八歲生日，友人慨嘆已無機會為他慶祝。

第一手消息請下載on.cc東網iPhone/iPad/Android/Windows Phone Apps