舊樓天花漏水 滲水辦懶懶閒
【投訴組報道】市民飽受滲水問題困擾，滲水辦繼續「唔踢唔郁」！有舊樓住戶數年前發現單位天花滲水，多番向滲水辦反映，皆被指滲水已告停止而不獲跟進，至近月滲水範圍更不斷擴大，令日常生活嚴重受影響，滲水辦又因無法聯絡上層單位業主入屋進行色水測試，致遲遲未有展開跟進行動。區議員批評當局未有積極跟進，要求採取相應行動，協助市民解決問題。
數年前客廳天花滲水，林先生曾向滲水辦投訴但未獲跟進。
近月滲水範圍擴大，客廳天花開始有批盪剝落。
睡房天花有批盪脫落，令戶主大感困擾。
蕭婉嫦批評當局未有積極跟進個案。
「同食環署投訴間屋滲水，佢哋一句話搵唔到樓上個業主同租客開門、做唔到色水測試就當冇咗件事，依家愈滲愈犀利，都唔知仲要等幾耐先有人跟進。」居於紅磡舊樓單位的林先生表示，數年前客廳天花近窗口位置滲水並有石灰脫落，曾向滲水辦投訴，惟對方上門檢查後卻指已停止滲水，事件最終不了了之。
批盪頻剝落 憂插蘇漏電
林先生指近月滲水範圍擴大，由客廳蔓延至浴室及睡房，浴室天花更有多處滴水，睡房天花有石灰及批盪剝落，影響日常生活。林再次向滲水辦投訴，對方以無法聯絡上層單位業主為由，事隔兩個多月仍未跟進，「間房係兩個老人家瞓嘅，天花啲灰不停跌落張床度，你叫佢哋點瞓？最驚係滲到插蘇會漏電，依家真係投訴無門。」
滲水辦發言人指，二○一二年曾接獲類似投訴，惟調查期間發現投訴人處所內滲水位置濕度數值低於百分之三十五，顯示滲水情況已經停止，故按程序停止調查。今年三月初再接獲投訴後已派員調查，發現涉事單位客廳天花、睡房天花及牆身有滲水情況，職員同日到訪上層單位未果。其後滲水辦嘗試並成功聯絡上層業主，得以進入單位進行排水喉色水測試。因未能確認滲水源頭而滲水情況持續，現已委派顧問公司調查。
「食環署如果真係嚟過一兩次都冇人開門，其實可以做多少少嘢，好似喺門口貼張紙，要求單位業戶喺指定時間內開門咁，如果過期都冇人開門就去法院申請入屋令。」九龍城區區議員蕭婉嫦認為，滲水辦一旦無法聯絡業戶進行測試，便應採取其他相應行動，以便盡快展開跟進行動。另外，蕭婉嫦又批評滲水辦目前採用的色水測試過於落後，往往未能有效判斷滲水源頭，要求當局增設紅外線等儀器，提高測試成效。
逢星期一至五見刊
熱線：3600 9988
電郵：socserv@on.cc
傳真：3600 9900
WhatsApp/SMS：6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密 匿名投訴恕不處理
