城中鏡：23年前創業難 馬雲已想開銀行
尋日阿里關聯公司螞蟻金服主導既「網商銀行」開業，目標仲好明確，就係幫小微企業解決借貸難嘅問題。現場好多人都以為，阿里巴巴主席馬雲開設專幫小微企業借貸嘅銀行呢個概念，喺七、八年前先產生，點知馬雲語出驚人，澄清佢早喺九二年已有此想法！
馬雲
馬雲話當年佢喺杭州搞咗間小型翻譯社，想借三萬元（人民幣．下同）融資，但佢公司規模細，借錢極艱難。佢嗰陣湊埋所有家具同發票做抵押，係兩、三個月內見咗好多人，歷盡千辛萬苦，最後都係借唔到錢。有咁嘅切膚之痛，馬雲當時就諗如果有間銀行專做小微企業借貸就好喇。依家佢終於如願以償喇！
