教育局早前規定九間同資助中學嘅私立直屬小學，包括名校香港培正小學、民生書院小學等，須喺一六/一七學年開設學費減免計劃，畀合資格嘅清貧學生入讀時可「破天荒」獲學費全免。聽落幾好，起碼提升到清貧學生入讀直屬私小嘅機會。但由局長「吳得掂」吳克儉主理，未實行都知鑊氣多，有私小校長同團體質疑私小雜費開支「一闊三大」，基層根本好難負擔。呢項新措施會否唔得掂？麻煩吳得掂認真度好條橋，搞掂呢項新措施！
