政壇：「黃花龜女」 嫻姐解畫

建制派立法會議員WhatsApp群組一連兩日曝光，尋日講到工聯會「嫻姐」陳婉嫻政改表決前喺群組話：「請冷靜！不要令我們被動」，仲喺句子後面加咗太陽花、烏龜同笑臉圖案。究竟三個圖案代表乜嘢？大家都相當有興趣，仲有人估三個圖案其實係指「黃花龜（閨）女」添！嫻姐就解釋，呢三個圖案係佢常用嘅表情符號，代表唔同意思，太陽花係佢最鍾意嘅圖案，烏龜代表祥和，而笑臉圖案係代表佢自己喎。不過，呢三個圖案幾次出現都有唔同組合，莫非仲有其他暗號嘅？