連續多年舉辦嘅「太子珠寶鐘錶精英盃」賽馬日，早前喺沙田馬場舉行。城中名流靚女悉心打扮出席，齊齊歡度充滿陽光及活力嘅星期日。另一邊廂，平日鬥得難分難解嘅馬主，早前齊現身馬主協會慈善基金舉行嘅籌款之夜，眾人暫停拗手瓜，爭相出錢買枱做善事。一眾馬會大董亦大開金口，瞓身獻唱。

慈善晚宴
積極練兵
馬主協會慈善晚宴籌委會主席史立德（左一）為上台唱歌秘密練兵多日，太太史顏景蓮（左二）與大家樂集團主席陳裕光夫婦（右一及二）現身打氣。。

大展舞藝
國際婦女會主席彭徐美雲同丈夫彭曉明喺舞池大顯身手。

席間偶遇
王賢誌（右）及蔡榮星（中）兩位東華三院副主席喺晚宴上巧遇，左為蔡太Sally。

至投契
太子珠寶鐘錶主席鄧鉅明（中）與「快勞夾大王」杜振源（右）及佳能高層鄧慶治（左）都係商界翹楚，自然好啱傾。

母女檔
東區區議會前主席丁毓珠（左）喺女兒孔美蘭（中）及孔美琪（右）陪伴下出席盃賽活動，開心晒。

好姊妹
太子珠寶鐘錶副主席鄧宣宏雁（右二）人緣好好，城中政商界名人及一眾好姊妹踴躍出席盃賽撐場。左起：名媛Winnie、林黃寧艷及中國女高音歌唱家周旋，右一為珠寶設計師劉黃寧達。

傾唔停
善德基金會主席董吳玲玲（中）及保良局總理陳正欣（右）係多年老友，兩人一見到太子珠寶鐘錶營業董事劉慶忠（左）即話題不斷。

喜相逢
中華總商會青委副主席林智彬（中）偕太太Tiffany（右）拍拖入馬場，期間與王振宇（左）醫生喜相逢。

第一手消息請下載on.cc東網iPhone/iPad/Android/Windows Phone Apps