立法會上周四表決政改方案時,建制派「甩轆」離場,搞到支持票少得淒涼,好多人都投唔到至關重要嘅一票,事後,建制陣營哭聲頻傳,呢個端午節睇怕都過得好心噏。

尋日係端午節,有份離場冇作投票嘅民建聯蔣麗芸(阿Ann)就喺社交網站上留言,勇敢面對事件,仲藉着朋友之語,呼籲建制中人過咗端午節就鬱完,即係唔好再抑鬱喇,需要重新振作咁話。

阿Ann自稱有朋友發訊息鼓勵佢哋班建制派議員要振作,朋友嘅訊息話,端午節俗稱屈原節,過咗端午節就屈原(鬱完)嘞,佢亦用呢句說話鼓勵啲同事重新振作。個朋友送上歌星甄妮嘅首本名曲《奮鬥》畀佢哋聽。

第一手消息請下載on.cc東網iPhone/iPad/Android/Windows Phone Apps