SUN揭秘：怪叔叔偕「阿闊」環遊全世界
港人生活繁忙，環遊世界遙不可及，不過在十五年來已經遊歷過歐洲、澳洲、美洲、中國超過九十個城市的布公仔「阿闊」，卻可以向這個夢想邁進。原來四十多歲的Eros十多年前因為與朋友貪玩，帶布公仔「阿闊」到西藏旅行，成為帶布公仔去旅行的第一代人。當初旁人眼中的「怪叔叔」，至今已成為公仔旅遊專家，經常指導其他人帶公仔去旅行，更吸引網民向他借公仔，實現公仔環遊世界的夢想。Eros與公仔「阿闊」走的每一步，感染港人重拾失落的童真。
Eros表示帶阿闊去旅行，可以讓人重拾童真。
Eros揹着阿闊到山區考察。
阿闊曾遠赴南極。（受訪者提供圖片）
阿闊配上不同的造型，維肖維妙。
偕公仔旅行在近年逐漸流行，不過在十多年前，讓人難以理解。「當時我睇到一則新聞，英國有個家庭，放喺後院陪小朋友玩嘅鴨仔玩具唔見咗，一個月後竟然離奇歸位，仲有一本記載住佢環遊世界嘅相簿，覺得好奇妙，所以產生帶公仔去旅行嘅念頭。」同年，Eros碰巧到西藏旅行，與幾名「爛玩」朋友忽發其想，帶「阿闊」去旅行。
打開山區童心扉
「幾個三十歲男人，十幾年前帶隻公仔去旅行，仲要嘻皮笑臉咁幫佢影相，畀你見到都以為係變態佬啦。」外形木訥的Eros自嘲，當初只是貪玩，沒想過會與公仔「阿闊」成為拍檔。
遊畢西藏，Eros開始為「阿闊」展開環遊世界之旅，「自己都唔得啦，何況係公仔」。他抱着「行得幾遠得幾遠」的心態，帶「阿闊」遊歷。Eros其時開始為苗圃行動做義工，剛巧要到湖南桂東縣考察山區學校及學生，於是膽粗粗帶「阿闊」同行。
到達山區，Eros原沒刻意與「阿闊」拍照，只是放在背囊，沒想到小朋友看到「阿闊」就笑逐顏開，「由於好多時都要極短時間走訪多間學校，『阿闊』成為咗大家溝通嘅橋樑!」他不禁手舞足蹈，雖像「大細路」，但讓人感受到他與公仔的深厚感情，足以打開彼此以及陌生人的心窗。
經年累月，Eros愈玩愈專業，當日的「怪叔叔」已變成專家。自為「阿闊」建立網站及臉書專頁後，網民不時向他請教替公仔拍攝的技巧，相繼帶他的「阿闊」去旅行，在當地寄明信片給他，甚至在「阿闊」生日時送生日禮物，「佢令我認識好多唔同嘅朋友，乘機寄明信片問候好耐冇見嘅朋友。」
「『阿闊』可以走得咁遠，全靠眾多朋友、網友嘅努力及參與。希望唔會悶親你啦！」「阿闊」環遊世界的意義，在於分享，在於重拾世人淡忘的童心。
