政壇：田二少打高球 搞出「網球手」
做運動，身體好，但有時運動也會帶來後遺症。立法會議員田北辰（田二少）出名鍾意打高爾夫球，也因為呢個愛好，打出咗「網球手」，本周一早上，仲做咗個小手術添。
田二少尋日返立法會時，手部都仲包紮住。
田二少尋日現身立法會時，不經意露出包紮住嘅右手，原來就係因為患咗「網球手」，日前先做完小手術。呢個手術聽落都唔簡單，首先要喺左手抽血，然後將血液濃縮、分離，再打返入右手，過程要一小時，據講療程可以幫助撕裂嘅肌肉復原。
呢個手術喺大約十年前已經有，不過，田二少就唔多敢試新嘢，隔咗咁多年，等人試過，佢先敢做。田二少仲話，手術過程痛到佢暈咁滯，仲要一個月之後先可以打波。
