香港人好鍾意唱卡拉OK，唔講唔知，證券界都有兩個愛唱歌之人，佢哋就係君陽證券CEO鄧聲興同金利豐研究部執行董事黃德几，鄧聲興仲話黃德几好唱得，又踢爆話黃有個朵叫「財經界黎明」添。
鄧聲興原來係愛唱歌一族。
畀人話係唱得之人嘅黃德几，尋日去捧老友間證券公司嘅開幕禮，佢好爽快直認鍾意唱歌，以前仲參加過全球華人新秀歌唱比賽o架，好似係九六年嘅多倫多嗰屆。
咁鄧聲興鍾意唱乜歌呢？原來係連詩雅同張敬軒嘅歌，而至愛聽嘅就係曾經做過佢鄰居嘅薛凱琪嘅歌喎！
