香港呢個擠迫嘅小城，不時受到難民問題困擾，尋日自由黨立法會議員鍾國斌約見保安局局長黎棟國，傾吓點解決「假難民」問題，鍾國斌建議取消向免遣返聲請人簽發行街紙，並增設收容中心收容呢類人士，咁樣社會治安也有保障。

鍾國斌話，現時好多南亞裔、非洲裔人士假借難民身份，提出酷刑聲請，之後就留港打黑工同從事非法勾當，影響社會治安，佢仲提到日前一宗女子橫屍街頭嘅案件，認為設立收容中心，可以更集中處理呢類人士。

不過，保安局認為呢個建議唔可行，又指發放行街紙係基本人權，局方唯一可以做嘅係加快處理有關酷刑聲請個案。局方又指，一般難民平均留港只有二點七年。

第一手消息請下載on.cc東網iPhone/iPad/Android/Windows Phone Apps