政壇：之鋒港鐵食包斷正認衰

網民怒斥寬己嚴人

港鐵禁止乘客喺車內飲食，呢個問題過去引起唔少爭拗，譬如有內地來港旅遊嘅小童喺車內飲食，結果被港人指罵，估唔到土生土長嘅黃之鋒都係咁，結果，佢喺港鐵公然食包嘅相一貼，網民罵聲四起，多數人都話佢寬己嚴人，身為公眾人物都唔檢點。

平時鍾意死都拗翻生嘅黃之鋒，今次終於認衰，立即喺社交網站facebook上轉貼有關圖片，承認有喺港鐵內食嘢，仲話自己的確有錯，亦唔會為自己嘅錯失推搪同搵藉口，並向公眾道歉，承諾永無下次喎。作為一個大學生兼學生團體嘅召集人，佢真係要小心喇，咪淨係掛住狙擊人，當規則冇到。