太和：商場勁滲漏恐跣親途人
「次次落親大雨都見到佢放晒水桶出嚟，我行一個圈都已經見到差唔多十個，成個廣場好似爛蓉蓉咁！」呂太指大埔太和廣場有多處地方每逢下雨，只要雨勢稍大即出現滲漏，需圍封並放置水桶盛載水滴，連通往天橋的樓梯亦不能幸免，「我舊年都見到係咁，冇諗過今年又係咁，周圍都係『水桶陣』，到底佢哋幾時先肯做嘢？」
太和廣場有多處地方每逢下雨均現滲漏，需圍封並放置水筒盛載雨水。
領匯發言人表示，有關廣場辦事處早前已作全面檢查，並安排承辦商進行維修工程，如天氣情況許可，工程預計於六月底完成。
呂太質疑領匯於雨季進行維修難以根治問題，「水涌陣」或會再度出現，要求領匯盡快處理，免生意外。「商場咁多細路跑嚟跑去，啲公公婆婆又鐘意坐喺度涼冷氣，萬一個筒擺唔好，啲水滴咗出嚟就好易跣親人。」
