城中鏡：「神車」復市 李小加扮嘢敲鑼
港交所尋日有個掛牌儀式，今次係被譽為「神車」嘅中國中車重啟復市，股民都知，早前南車、北車合併，家吓已經成為全球運輸設備製造商中嘅巨無霸，重啟儀式程序如常，港交所行政總裁李小加都畀晒面出席，見佢全程春風滿面，心情好靚，仲扮嘢敲鑼添。
李小加（左）代表港交所回禮畀中國中車，佢仲扮嘢示範敲鑼添。
呢啲場合，紀念品總係大家關注點，中國中車送畀港交所嘅紀念品，係一架火車模型，完全切合該公司嘅鐵路研發製造業務，好正路，大家亦預咗。咁小加總裁又代表港交所送乜呢？原來係個上市敲鑼嘅Q版模型，佢送份禮畀中車時，仲手痕痕，示範一下敲鑼。
