城中鏡：啟剛夫妻檔入手術室撐病童

為善不甘後人，霍家長孫霍啟剛同太太、前「跳水公主」郭晶晶更係夫妻行善最樂。日前，佢哋兩人結伴現身港大深圳醫院嘅一個慈善活動，除咗分享感受外，兩人更親入手術室，為病童打氣。

霍啟剛（右）與太太晶晶聯袂行善，幫助病童。

當日兩人齊齊便裝現身，個活動係為貧困家庭的唇齶裂及頭面部畸形兒童提供免費治療而舉行嘅籌款。晶晶喺席上分享咗佢嘅感受，活動完畢後，兩夫妻更到院內探望患者，同病患者傾偈，全程表現親民，之後又換上手術服，戴上手術帽及口罩，在醫護人員陪同下，進入手術室為準備接受治療嘅唇齶裂兒童打氣。

啟剛同晶晶已為人父母，今次慈善活動都特別撐兒童，可以睇到佢哋幾投入新角色，打孖來，自然係要發揮兩倍能量喇。