城中鏡：項明生遊埠巧遇鄰居洪永城

好多港人一放假就外遊，有人話，咁係因為香港太細，人口太密集，所以大家一有時間就外逃。不過，對於旅遊達人項明生及洪永城嚟講，外遊嘅目的可以係獵奇，可以係工作，亦都可以係消閒鬆一鬆，所以出埠目的真係只有佢哋至知。

項明生（左）同洪永城（右）巧遇，當然少不了交流旅遊經。

項明生喺社交網站貼文，話佢巧遇鄰居洪永城，仲貼咗張兩個人嘅假日Look相添。據佢貼文所講，兩個人喺間餐廳裏邊享受海景、美食，邊交流旅遊經，具體講去邊度、或邊啲旅遊經就冇詳情喇。不過，佢哋兩個都係以去啲特別國家及艱險旅遊點出名，一般市民聽就過癮，照辦煮碗，真係富挑戰o架。