人嘅一生，花喺睡眠嘅時間好多，睡眠用品絕不應忽視，擁有「SINOMAX」自家床褥品牌嘅上市公司盛諾總裁張棟（Eric）就好重視睡眠用品，近排仲好留心研究旅行枕頭添。

張棟重視商務客出差瞓覺難嘅問題，公司研發隊伍正瞄準呢個商機，開發產品。

Eric話過，唔少公司客，次次住酒店都呻「好慘」，皆因酒店個枕頭瞓極都唔啱位：「一個唔夠support，兩個就多過頭！」最終冇覺好瞓。所以佢哋睇準呢個需要，諗緊研發太空棉旅行產品，仲交咗畀公司研發團隊跟進添。

Eric仲話，酒店係個幾好嘅床褥枕頭試用渠道，比商場方便，仲可試瞓耐啲。咁成日出差嘅佢有冇帶自家枕頭出行呢？佢話自己懶，冇喎！

第一手消息請下載on.cc東網iPhone/iPad/Android/Windows Phone Apps