SUN搞作：SUN官場現形記：「老」倒生活
有護老院職員涉嫌虐老，有議員倡議私院公營化，擴大公營護老比例，不過社署署長娟娟一聽，就認為係唔可行，你叫市民點會唔嬲？
娟娟︰如果咁做，條數會好龐大。
市民︰起高鐵、三跑，幾千億都係咁畀，安老就話無錢？
娟娟︰點同呢？起基建係有回報。
市民︰輕視安老都有「回報」，不過係報應個報！
娟娟︰……唏，我哋唔會輕視安老，不過呢啲嘢要從長計議。
市民︰唉，我建議你睇吓醫生。
娟娟︰點解呢？我無病無痛好健康。
市民︰你「A字膊」成咁，點可以有承擔咁服務市民呀？
